中秋和詩（台語文）

有一年的中秋節彼一暗，佮故鄉田中的平治宗長，佇宗親專屬的面册(FB)頂頭搭嘴鼓。
1.平治宗長的詩：
月娘光光，照咱家鄉田中央；
月娘圓圓，海外同鄉好暗暝。
2.本人雅和平治宗長的詩：
月娘光光，照著故鄉的田莊；
月娘圓圓，二人散步佇溪墘。
3.本人借用廈門偉民宗長的詩：
月娘光光照厝埕，
阿娘牽君溪墘行。
秋風瑟瑟薑茶燒，
阿郎抱娘心頭驚。
4.平治宗長雅和偉民宗長的詩：
月娘光光照窗門，
阿娘牽君入眠床。
那看窗外夜明月；
輕聲細說若含糖。
5.本人雅和平治宗長的詩
月娘光光照花園，
郎君抱娘入眠床。
恐驚有人覕咧看；
輕聲細講愛關門。