(其一)
八卦山腳好所在，
田園四界果子栽。
龍眼規欉有媠䆀，
生佇厝頂無人採?
(其二)
田中社頭好光景，
欲食果子家己揀。
七月中元有龍眼，
擘開落嘴莫傷猛。
(其三)
龍眼擘殼露雪膚，
一粒一粒像圓珠。
落嘴芳甘誠特殊，
上愛這味是老夫。
臺灣八卦山山坪佮山跤下面的田洋、厝邊、圳溝頂，規排攏是龍眼樹。龍眼大出是立秋後舊曆七月，彼時陣，規綰(kui-kuānn)的龍眼懸懸掛佇樹頂頕落來(tòm–lo̍h-lâi)，生佮累倒椏(lūi-tó-oe)。國語講:「果實纍纍而下墜」，我轉去田莊蹛(tuà)暝，無聊咧看龍眼樹的樹影，佇月光跤看起來特別媠(suí)。
龍眼的外形圓輾輾(înn-lin-lin)，親像銃子(tshìng-tsí)，擘開黃赤色的外殼，內底是牛奶色的白肉，閣再包一沿的黑仁，龍眼厚子，親像目睛，古早人就用「龍眼」號名，又叫做桂圓抑是福圓。
光緒秀才，彰化名詩人林朝崧先生感謝張子材先生送他龍眼，做詩回講:「深情一顆一驪珠」，共龍眼形容親像珍珠仝款，閣有日據時代台灣詩人施梅樵先生做詩講:「勸君莫漫供饞口，還要分甘及老夫。」毋通袂記龍眼大出的時，愛分予老夫食看覓，有甜抑無甜？我不才學先輩的口氣講:「上愛這味是老夫。」
鵝湖民國學案藏經閣 
龍眼圓潤飽滿多汁，使人垂涎欲滴。
這款台語，對我來說非常艱澀難懂；不過，似懂非懂的感覺也不錯👍
讚Liked by 1 person
感謝范兄，台語也是正在恢復當中，重點是龍眼，我家鄉盛產龍眼，還做成龍眼乾，您回台灣，又遇產期，大家一起去摘龍眼吧！
讚讚